Python 101

Како главни вредности за посетителите на овој курс се:

• развивање на вештини за решавање проблеми и критичко размислување
• развивање на логика, алгоритамско размислување
• развивање на техники за решавање на проблеми, како и претставување на решенијата на начин на кој можат да се се извршат во дигитален свет
• јакнење на самодовербата
• спознавање како работите функционираат
• развивање на способност за предвидување на проблеми и нивно избегнување или надминување
• јакнење на упорноста, позитивен став кон грешките и неуспесите
• јакнење на креативноста на забавен начин преку креирање на работи кои функционираат
• себе-спознавање кое е корисно во одредување на својата кариера
• охрабрување на размислувањето надвор од рамките
• стекнување на основни знаења на кодирање во Python на практичен начин преку изработка на програми и игри.

И сето тоа на забавен, интересен и предизвикувачки начин кој не станува здодевен.

Програма на курсот

Во Netcetera Python 101 курсот, децата ќе ги учат основните принципи на програмирање и тоа:

• пишување на код во Python
• секвенционирање
• користење на објектно ориентирани библиотеки
• користење на наредби за повторување
• користење на услови
• користење на варијабли
• правење и повикување на функции
• програмирање на кориснички интерфејс
• како и изготвување и анализарање на алгоритми кои ќе бидат користени во вежбите.

Сите овие работи ќе се учат на практичен и забавен начин, преку изработка на игра, за која децата сами ќе ги смислат правилата.

Зошто Python

• Python e еден од најбрзо растечките програмски јазици, и потребата од Python во наредните години ќе се зголемува
• Се користи во најголем број на апликации како:
  1. 1. Наука за податоците и анализа на голем број на податоци.
     2. Машинско учење.
     3. Апликации за вештачка интелигенција.
     4. Автоматизација.
• Популарноста на Python само ќе продолжи да расте, и многу експерти веруваат дека јазикот ќе продолжи понатаму да се употребува поради неговата моќ, едноставност и фактот дека веќе постои огромна количина на Python-код вграден во рамките на големите проекти кои ќе имаат потреба од развој и одржување за следните години.

Зошто STEM Academy и Netcetera

STEM Academy е фондација која е најстара и најискусна организација во јакнење на т.н. СТЕМ-вештини (Science Technology, Engineering Math) и применување на иновативни методи за јакнење на најнеопходните вештини на 21 век. Работи повеќе од 6 години со цел да се овозможат децата да стекнат нови вештини, кои ќе им овозможат идентификација на можности и нивно искористување.

Netcetera е тим од 650 експерти на глобално ниво, во разни области. Компанијата е основана во Швајцарија во 1996, а во Македонија е активна веќе 20 години преку своите канцеларии во Скопје, Битола и Охрид. Во 2020 година, Netcetera Македонија го вработи својот 300-ти член.

Компанијата произведува софтвер кој им е значаен на многу бизниси и општества. Вработените во Македонија, Швајцарија, Германија, Австрија, Лихтенштајн, користат најнови технологии, истражуваат и редовно го следат технолошкиот прогрес.

Netcetera, како општествено одговорна компанија, безрезервно ги споделува и става на располагање целото свое искуство и експертиза. Веќе долги години се присутни помеѓу студентите, активно соработуваат со техничките факултети и редовно поддржуваат активности и настани како хакатони, натпревари, предизвици, организирани од странски и домашни програмски организации, гејминг-натпревари, здруженија на млади во областа на роботиката и уште многу други.

Силно верувајќи во стекнување и споделување знаења, Netcetera организира обуки како за своите вработени, така и за студенти и средношколци, во оваа насока и соработката со STEM Academy.