12 + години – Обновливи извори на енергија

Обновливите извори на енергија и моделите кои се предмет на изучување, овозможува на учениците да бидат млади научници, и да се вовлечат во длабочините на научните истражувања, технологијата, инженерството , дизајнот и математиката. Програмата за обновливите извори на енергија преставува предизвикувачка околина за учениците, со цел тие да стекнат практични сознанија за тоа како може енергијата да се создаде од обновливи извори но и како таа може поефикасно да се искористи. Децата се предизвикани да донесат претпоставки и заклучоци, да го искористат своето знаење и искуство од најразновидни предмети и со заедничкото искуство работејќи во тим да донесат заедничко решение. Учениците ги здружуваат своите вештини, креативност и интуиција, тие заеднички пронаоѓаат најдобро решение за проблемот. Со помош на коцките и моделите, учениците се охрабрени да се вклучат самите себе во светот на истражување и да донесат свои решенија за специфични проблеми.
За време на часовите се користат посебни сетови од LEGO® Education кои содржат и посебни елементи како што се

LEGO Energy meter (составено од два посебни елементи: Energy Display and Energy Store)
Lego Solar Panel -соларен панел
E-Motor – електро мотор
Blades – перки на турбина
LED light

Со помош на овие елементи децата активно градат и анализираат како се создава енорија од сонце, ветер, вода и се мерат ефектите од преносот на истата

Додека активно градат, истражуваат, испитуваат, комуницираат заедно развиваат решенија, учениците развиваат голема низа на знаења, некои од нив се

Дизајн и технологија

Дизајнирање и градење на решение, тестирање и евалуација на моделот да ги задоволува барањата на проблемот и дизајнот, избор на соодветен материјал, истражување на под системите за претворање на механичката во електрична енергија, користење на 2 димензионални инструкции за практично разбирање , идентификување на технички компоненти за да се изгради 3 димензионален модел кој функционира, мерење на јачина на струја, напон и снага и сл.

Наука и научно истражување

Истражување на начинот на креирање, складирање и трансфер на енергијата, мерење на силата и брзината, како и истражување на ефектите на триење, предвидување, собирање на и анализирање на податоци и извлекување на заклучоци.

Математика

Користење на математиката во функција на научните сознанија, мерење на растојание, маса, време, пресметување на брзина, тежина и ефикасност, користење на графички методи за претставување на податоци, пресметување на односи и сл

Презентација

Кога го презентираат своето дело, децата добиваат можност да го објаснат своето разбирање врз механизмите и структурите. Како разбираат, како поврзуваат, конекцијата помеѓу старото и новото знаење, поврзаноста помеѓу старите и новите модели. Дискусијата за време на часот, техничките прашања, промени, претставуваат одличен процес преку кои децата го развиваат своето креативно размислување а и го подобруваат својот речник преку дијалог. Прашањата се одличен материјал за децата на истражуваат, претпоставуваа, размислуваат и да ги раскажат своите решенија, своите нови можности и опции. Оваа фаза покажува можност за евалуација на знаењето проширување на знаењето кај секое дете.
Учењето е секогаш позабавно кога тоа се случува преку нови предизвици. Справувањето со предизвикот и неговото решение, ќе роди поголема желба кај детето да продолжи со својата работа. Овие предизвици постојат за да го охрабрат детето да истражува во иднината – да бараат нови клучеви за нови предизвици, и самите да се потрудат да смислат нови предизвици и на истите да им постават решенија.

Главни вредности на програмата

Градење и истражување на обновливите извори на енергија преку реални модели склопени со LEGO елементи,
Истражување и носење на заклучоци за снабдувањето со електрична енергија, пренос, акумулација, конверзија и користењето на енергијата,
Да се дизајнираат и направат модели кој што ќе ги исполнат конкретните барања на дизајнот,
Јакнење на способностите за решавање на проблеми,
Поттикнување на креативното размислување на ниво на подобрување на функционирањето на моделот како и смислување на нови начини на користење на моделите,
Способност за осмислување нови идеи преку користење на резултатите од мерења и набљудување,
Пронаоѓање на сопствен начин за доаѓање до решенија како и користење на имагинацијата за развивање на дополнителни идеи,
Јакнење на вештините и способностите за соработка и работа во тимови,
Способност за критичко размислувањње за тоа што може да се случи, и да се испробуваат нови работи
Јакнење на самодоверба, оптимизам, , позитивен став кон работите и чувство на одговорност, истрајност, љубопитност, мотивираност, самостојно поставување на цели

Што се учи во оваа програма

Материјалот кој се изучува се состои од 2 дела и тоа Обновливи извори на енергија и Потенцијална и кинетичка енергија

Обновливи извори на енергија – Овој дел од материјалот објаснува како Сонцето како примарен извор на енергија, влијае на времето и временските промени како и водениот циклус во природата. Тука се претставува некои од технологиите и техничките решенија кои стојат позади генерирање и експлоатација на обновлива енергија. Учениците имаат можност практично да ги пробаат некои од решенијата со помош на изработка на специјални LEGO® Education елементи.

Потенцијална и кинетичка енергија – Овој дел објаснува за кинетичката и потенцијалната енергија преку практичен и интересен начин и истражување. Како навлегуваат во материјалот учениците се предизвикуваат да прават посложени експерименти и модели и да направат мерења и соодветни пресметки. Децата уште повеќе се предизвикуваат да г применат своето знаење на дополнителни проблеми кои им се даваат на посебни часови посветени на решавање на проблеми