Едноставни и моторизирани машини

11+ години - Едноставни и моторизирани машини

Програмата „Едноставни и моторизирани машини“ е наменета за деца над 11 години. Низ неа децата ќе ги прошират своите знаења за механизмите и структурите кои се составен дел од најразлични машини, како и за разновидните извори на енергија од реалниот свет. Преку креативниот инженерски дизајн и размислување, децата ќе се вовлечат во поставување на научни експерименти и испитувања. Искусните едукатори ги водат децата низ добро осмислените активности и едукативни сесии, кои се поврзани со секојдневниот живот, а истовремено ги поттикнуваат децата на креативен начин, користејќи технологија да се стекнат со знаења и вештини од 21-от век. За време на часовите од програмата, учениците се охрабруваат да учествуваат во решавање на проблеми и самите преку креативно размислување во интеракција со своите другари да создадат ново решение за проблемите.

Дизајн и технологија

Идентификување на едноставни и моторизирани машини ;
Развивање на идеја за дизајн;
Користење на различни материјали со цел дизајнирање на модели со кои може да се управува;
Предвидување на однесувањето на моделите, мерење и анализа на однесувањето и функцијата на моделите;
Тестирање на моделите со цел идентификување на механизмот и неговото влијание врз однесувањето на моделот.

Наука и научно истражување

Идентификување на променливи, нивно мерење и анализа на ефектот на променливите врз перформансите на моделот;
Внимателна и прецизна опсервација, мерење и евиденција на резултатите;
Носење на научно потврдени заклучоци врз основа на резултатите добиени од анализите.

Математика

Примена на математичките принципи и идеи;
Пресметување на површини, средни вредности, соодноси, мерење на временски променливи, растојанија и тежина со соодветна прецизност, користејќи најразновидни формули и операции;
Комуникација на математичките идеи во вербална и пишана форма вклучително и графички приказ.

Презентација

Јакнење на комуникациски и презентациски вештини;
Поврзување на научените содржини со примери од секојдневниот живот;
Поттикнување на креативно размислување и презентирање;
Развивање на апстрактно размислување, пронаоѓање на решенија за дадени проблеми и детално претставување на истите.

Основни информации за програмата

Времетраење на часовите : 75 минути,
Часовите се одвиваат еднаш неделно
Времетраење на програмата : 26 часа
Цена на чинење на програмата: 2500 денари месечно за 4 часа*
За две деца од иста фамилија обезбедуваме 20% попуст по дете

*3000 денари месечно за 4 часа доколку програмата се изведува на англиски јазик

Главни вредности на програмата

Креативно размислување за да се објасни како нештата функционираат,
Да се направи разлика помеѓу дејство и ефектот од дејството,
Да се дизајнираат и направат модели кој што ќе ги исполнат конкретните барања на дизајнот,
Јакнење на способностите за решавање на проблеми,
Поттикнување на креативното размислување на ниво на подобрување на функционирањето на моделот како и смислување на нови начини на користење на моделите,
Способност за осмислување нови идеи преку користење на резултатите од мерења и набљудување,
Пронаоѓање на сопствен начин за доаѓање до решенија како и користење на имагинацијата за развивање на дополнителни идеи,
Јакнење на вештините и способностите за соработка и работа во тимови,
Способност за критичко размислувањње за тоа што може да се случи, и да се испробуваат нови работи
Јакнење на самодоверба, оптимизам, , позитивен став кон работите и чувство на одговорност, истрајност, љубопитност, мотивираност, самостојно поставување на цели

Што се учи во оваа програма

Целокупниот материјал го поминуваат низ три фази и тоа

Принципиелни модели – Основните модели им дозволуваат на децата да се запознаат со принципите на функционирање механиката и структурата механизмите, и структурата кој што ги има во секојдневните машини и нивните структури. Тие се лесни за градење и демонстрација, преку кои што можат да се научат основните модели за градење понатамошни модели.

Главни модели – овие главни модели се покомплексни модели кои решаваат некој проблем кој учениците го сретнуваат во секојдневието. Овие модели во себе ги имаат вклучено принципите кои децата претходно ги и маат научени и успешноста на функционирањето на тој модел зависи од колку ефикасно се применува зададениот принцип

Решавање на проблеми – тука учениците добиваат задачи претставени преку проблеми кои работејќи во групи и го применуваат целокупното знаење. Тука децата работат бе инструкции и целиот процес им е поставен на нивната креативност и способноста на препознавање на проблемот и неговото решавање.